Bare Ciljura e Projektosko MemoryKeepers
- Te barjarel e kapacitetura e ternenge butjarnenge thaj e personaloske e romane/pro-romane organizacijenge ando koristimos e digitalne medijenge, digitalne arkivonge thaj muzejake resursenge, sar vi e umetnikane teknikenge vaš sikljaripen e terne romenge thaj na-romenge pal o Romano Holokausto.
- e barjarel o džaniben thaj e kapacitetura e terne romenge thaj na-romenge (18–30 bersha) pal o Romano Holokausto, dokumentirimos e istorijenge thaj čuvdimos e vakerde istorijako, kerimos e cikne filmengo thaj digitalne vakerimatenge, thaj lengro rolo sar ambasadorura e romane istorijako, kulturako thaj identitetosko ande e istorija thaj vrednostura e Evropake Unijake.
- Te angažirinel e terne romen thaj na-romen ande o čuvdimos e memorijako pal o Holokausto thaj ande o marimos kontra o na-prandipen thaj o xoxajimos pal leste.
- Te lačharel o digitalizimos e istorijengo thaj vakerde tradicijengo e romane komunitetenge.
- Te vazdel o džaniben thaj o haljovipen maškar o publikumo pal o Romano Holokausto sar jekh manifestacija e antigjipsizmosko thaj diskriminacijako mamuj e Roma.
Aktivitetura thaj Rezulturura
- Mapirime aktivitetura thaj nacionalno/transnacionalno raporto pal o nivelo e džanibasko e profesionalenge andar e romane organizacije pal o Romano Holokausto thaj pal e kapacitetenge pučhimata vaš treningo thaj vazdimos e džanibasko. Minimum 140 romane thaj na-romane participantura ande fokus grupe.
- Trening programo thaj seminarura vaš terne butjarnen thaj personalo e romane/pro-romane organizacijenge, e participacijaja e 175 manušenge.
- Sikljaripnaski kurikula vaš e terne rome thaj na-rome pal o Romano Holokausto, e-learning platforma thaj seminarura, e totalo 315 sikljarde terne.
- Jekh internacionalno aktiviteto vaš paćiv thaj treningo e 120 participanturenca.
- 7 digitalne arkivura e istorijengo thaj vakerde tradicijengo e romane komunitetenge pal o Romano Holokausto.
- 7 prezentacijake aktivitetura e digitalne arkivonge, e totalo 350 participanturenca.
- 7 cikne filmura/videjura pal o Romano Holokausto.
- 7 nacionalne aktivitetura vaš vazdimos e džanibasko, e totalo 350 participanturenca.
- 1 aktiviteto ande nivelo e Evropake Unijako vaš memoria thaj vazdimos e džanibasko pal o Romano Holokausto, e totalo 320 participanturenca.
Vaš kado ciljo, o projekto ka kerel jekh mreža e terne romane thaj na-romane ambasadorenge ande e partnerikane thema. Von ka oven sikljarde thaj podržime te realizirin aktivitetura vaš vazdimos e džanibasko, te maren pes kontra e mitura thaj negativne narative save tiknaren e historikane fakta, thaj te anen angle o drom, o šaripen thaj o značaj e eventenge pal o Romano Holokausto ande akava vakti. Akala aktivitetura ka obuhvatin o digitalizimos e vakerde istorijenge e romane komunitetenge, o kerimos e cikne filmengo thaj videjenge pal o Romano Holokausto, thaj organizimos e različne publikane aktivitetenge.
Te del pes efektivno podrška thaj sikljaripen e terne ambasadorenge pal o Romano Holokausto thaj te osigurinel pes o trajimos thaj o barjaripen akale iniciativako, o projekto ka involvirinel vi terne butjarnen thaj o personalo e romane/pro-romane ternenge thaj kulturake organizacijenge. Kado ka zorjarol lengre kapacitetura ando koristimos e digitalne medijenge, digitalne arkivonge thaj muzejake resursenge, vaš edukacija e terne romenge thaj na-romenge dži ko Romano Holokausto maškar o umetnost. E lokalne romane komunitetura, o publikumo, e politikake kerdara thaj aver interesime akterura ka oven beneficiarura e aktivitetonge save realizirin e mreže e terne ambasadorenge.